Një biznesmen në Spanjë u vra në shtëpinë e tij gjatë një grabitje.
Ngjarja e cila tronditi qytezën Boadilla del Monte në qendër të Spanjës, dyshohet se mban autorësinëe bandave shqiptare që veprojnë në këtë shtet.
Policia spanjolle thotë se “grabitja e shtëpive luksoze gjatë natës, ku të zotët flenë” është tipar tipik sesi grupet shqiptare veprojnë. Por ajo çfarë ngre hije dyshimi tek hetuesit është fakti “bandat e këtij vendi të “grabitjeve të heshtura” zakonisht nuk thyejnë dritaret”.
Krimi makabër u regjistrua mbrëmjen mes së hënës dhe të martës, ku katër persona të maskuar mësynë në një shtëpi luksoze për të grabitur.
Anëtarët e kësaj bande vranë pronarin, një biznesmen me origjinë kineze 40 vjeç.
I plagosur mbeti dhe djali i tij 14 vjeç, i cilli ka thyer të dy krahët gjatë hedhjes nga dritarja për tu arratisur.
Shtëpia me vlerë rreth 2 milionë euro në rrugën “Clavel 26” ishte me sistem alarmi, por i pa aktivizuar çka ka mundësuar hyrjen e keqbërësve brenda në banesë ku ndodhej biznesmeni, e shoqja, dy fëmijët dhe punëtorja e pastrimit.
Të gjithë këta shtetas janë me origjinë kineze. Policia mbërriti në vendngjarje pasi autorët ishin larguar. /oranews/b.d
