Gjatë takimit që Kryeministri Rama ka patur me përfaqësues të biznesit të vogël, njëri prej tyre i ka shtruar një pyetje Kryeministrit, për një precedent që njihet dhe ndodh në ambientet e biznesit të vogël.
Biznesmeni: Unë kam një market ushqimor, fëmija im është 16 vjeç, policia tatimore kërkon sigurim. Unë t’i them djalit shko në pub, merru me facebookun?! Ai është i familjes, nuk është punonjës i pasiguruar. Gruaja do lëvizë, do shkojë në banjo, ai do rrijë aty se unë e kam biznes familjar.
Rama: Unë besoj që për pjesën e fëmijëve do iu sqarojë më mirë kompania që organizon seminarin dhe është e qartë nga pikpamja e ligjit, pavarësisht nga pikpamja konkrete .
Marketi ushqimor nuk është biznes familjar pasi produktet që shiten në market janë produkte që merren nga distributorë të mëdhenj dhe ky është thelbi i keqkuptimit që thonë pse kontrolloni bizneset e vogëla ne duke ju kontrolluar ju kontrollojmë gjithë zinxhirin e shitjeve të kompoanive të mëdha se këto kanë funksionuar si biznese të vogla duke ju shitur me kasë fiskale si të ishin shitës me pakicë. Dhe kanë këputur një hallkë ju jeni shitësit me pakicë dhe blerësit me pakicë janë blerësit tuaj.
Në lidhje me pagesën e taksave në mënyrë elektronike Rama ka bërë dhe batuta me të pranishmit.
Rama: Merr një fëmijë mbi 3 vjeç, jepi telefonin dhe thuaji: ma paguaj pak taksën. Jepi pasëordin po dhe atë ta thyen po ja le më shumë se njëherë.
