Policia italiane ka arrestuar një 30-vjeçar shqiptar i cili ishte shpallur në kërkim për shpërndarje kokaine. Bëhet fjalë për një shtetas me inicialet H.E. i cili u arrestua sapo doli nga avioni në aeroportin e Xhenovas.
Mësohet se ky shtetas kërkohej nga policia e Savonas për aktivitetin e shpërndarjes së drogës së fortë të llojit kokainë.
Ky shtetas ndërkrohë sipas dyshimeve rezulton se ishte edhe furnitor i dy shqiptarëve të tjerë, një 28-vjeçari me inicialet E.D. dhe një 25-vjeçari identiteti i të cilit nuk bëhet me dije.
Raportohet se me paratë që fitonte nga kokaina, 30-vjeçari H.E. kishte ngritur biznes në Shqipëri.
Ai blinte makina në Itali dhe i çonte ato në vendlindje ku i shiste./a.m.
