TIRANË-Jo të gjitha bizneset e vogla i janë bashkuar protestës një orëshe kundër skemës së re të TVSH-së.
Thirrjes për të ulur qepenat për një orë i ka ndarë bizneset.
Dhjetëra biznese në Tiranë, por edhe në rrethe, kanë refuzur të mbyllin aktivitetin e tyre.
Deputetë të opozitës, tentuan të përfitojnë nga protesta dhe kjo shkaktoi përplasje me tregtarët. Ata kërkuan që protesta e tyre të mos politizohet. Bizneset akuzojnë politikën se po tallet me biznesin dhe popullin.
Tek tregu i Medresese një pjesë e bizneseve nuk i janë përgjigjur protestës. As në rrugën e Kavajës, shumë biznese nuk iu përgjigjën thirrje për të mbyllur protestat.
Në Lushnje bizneset nuk e kanë mbështetur protestën një orëshe për mbylljen e dyqaneve, kundër skemës së TVSH-së.
Biznesmenët e Lushnjës kanë vazhduar ritmin e tyre të punës, teksa thonë se nuk dinin gjë për protestën
Ata janë shprehur jashtë kameras se nuk do të mbyllin dyqanet, qoftë biznesi i vogël dhe ai i madh.
Javanews.al/a.ç
