Vijon operacioni antidrogë i koduar “BISTRICA 2019, duke e çuar në 13 numrin e të arrestuarve gjatë këtij operacioni.
Policia vuri në pranga 37-vjeçarin me inciale E.M., banues në Patos, si pjesëtar i grupit të strukturuar kriminal që merrej me trafikim të lëndëve narkotike nga Shqipëria drejt Greqisë.
Dy ditë më parë Policia e Shtetit vuri në pranga 11 persona, të cilët do të trafikonin një sasi prej 79 kg kanabis.
“Pas një hetimi pro-aktiv, përgjatë një harku kohor disa mujor, duke aplikuar metodat speciale të hetimit gjatë operacionit policor të koduar “BISTRICA 2019”, u arrestuan dhe u ndaluan 11 persona si dhe u sekuestruan 79 kg Cannabis Sativa, e fshehur në një automjet në vende të krijuara posaçërisht, në automjetin që drejtohej nga shtetasi G.L.,”-raporton policia.
Gjate këtij Operacioni u arrestuan në flagrancë shtetasit:
E.Xh., 29 vjeç, G.L., 41 vjeç, A.Xh., 40 vjeç, dhe E. L, 28 vjeç, të katërt banues në Fier.
Si dhe u ekzekutuan urdhërat e ndalimit për shtetasit;
• P.K., 49 vjeç, B.K., 55 vjeç, E. A, 43 vjeç, të tre banues në banues në Patos-Fier.
• A.M., 47 vjeç, S .D., 43 vjeç, F.L, 21 vjeç dhe G.S., 27 vjeç, të katërt banues në Fier.
Gjatë operacionit u sekuestruan edhe tre armë zjarri si edhe u vendos në pranga një 52 vjeçar nga Mallakastra.
Policia raporton, më herët në datë 05.04.2019, në funksion të këtij procedimi penal në Kapshticë, u arrestua edhe një pjesëtar tjetër i këtij grupi kriminal, ku u sekuestrua rreth 68 kg lëndë e dyshuar narkotike Cannabis Sativa.
Gjithsej në kuadër të këtij operacioni u sekuestruan:
-145.6 kg lëndë narkotike e llojit Cannabis Sativa
-3 armë zjarri dhe municion luftarak
-4 automjete të markave të ndryshme
-një sasi vlerash monetare
-14 aparate celularë me kartat Sim të markave të ndryshme
Nën drejtimin e Prokurorisë për Krime të Rënda vijon puna për dokumentimin e plotë të veprimtarisë kriminale të kryer nga ky grup kriminal.
g.kosovari
