Ministri për Evropën dhe Punët e Jashtme ka qenë mbrëmjen e sotme i ftuar në emisionin Opinion në Tv Klan, ka folur për detajet e marrëveshjes më ministrin grek Niko Kotzias.
Ai përball Blendi Fevziut ka treguar disa detaje nga kjo marrëveshje, ku një ndër pikat që është firmosur ka qenë shfuqizimi i ligjit të luftës në Greqi.
“Janë tri kategori përfituesish nga shfuqizimi i këtij ligji, pronat e shtetasve shqiptarë, pronat e shtetit shqiptar dhe pronat e shtetasve shqiptarë me kombësi greke, pra minoritetit”, deklaroi Bushati
Cilat janë pikat bazë të marrëveshjes?
Fillon me shfuqizimin e luftës dhe të gjitha pengesat që vijnë nga ai. Ai do të shfuqizohet me një vendim të qeverisë të Greqisë. Është një dekret, i cili kundër firmoset nga anëtarët e kabinetit qeveritar. Është njësoj si një vendim të qeverisë në Shqipëri.
Kemi diskutuar në lidhje me kontributet e Shqiptarëve në Greqi. Kemi diskutuar për njohjen e patentave, në mënyrë reciproke. Kemi diskutuar gjithashtu në lidhje me referencat të teksteve shkollore, ku do të bëhen disa korigjime.
Kemi diskutuar në lidhje me pakicën greke në Shqipëri
Kemi diskutuar pjesë të paketës të çështjeve, për vendprehjen e të rënëve grek në Shqipëri. Kjo marrëveshje është miratuar që në 2009 por nuk është zbatuar asnjë herë.
