Testi i ri i kancerit ka marr investime serioze nga dy prej njerëzve më të pasur në botë
Bill Gates dhe Jeff Bezos kanë dhënë një shumë prej 100 milionë dollarësh për Grail, një kompani e re që është duke e zhvilluar një test të gjakut që mund të zbulojë shumë lloje të kancerit shumë më herët se që janë në gjendje tani ta bëjnë mjekët, raporton CNN.
Grail ka konfirmuar se një test do të kushtojë rreth një mijë dollarë dhe do të jetë në dispozicion në vitin 2019, transmeton Koha.net. Testi i ri nga Graili përdor një teknikë që quhet “biopsia e lëngshme”. Ai skanon gjakun e pacientëve për të shikuar shenjat e kancerit në ADN, i cili mund të tregojë se një tumor është duke u formuar, edhe nëse mjeku ende nuk e ka parë dhe pacienti ende nuk përjetuar ndonjë simptomë të kancerit. Shumë pacientë me kancer nuk u shfaqet sëmundja përmes skanimit CT, apo testeve të gjakut deri në momentin që kanë një përhapje shumë të madhe. Pacientët nuk ndiejnë ndonjë dhimbje, dhe nuk janë në dijeni se kanë ndonjë kancer, deri sa ta kuptojnë atë është shumë vonë.
Grail shpreson se diagnostifikimi i hershëm do t’i ndihmojë mjekët që të largojnë kancerin para se të zhvillohet, dhe potencialisht të shpëtojnë jetën e pacientit.
