Ish-ministri i Punëve të Jashtme të Suedisë, Carl Bildt ka reaguar pas zhvillimeve të fundit në Ukrainë dhe vendimit të presidentit serb, Aleksandar Vuçiq për mosvendosje të sanksioneve ndaj Rusisë, pavarësisht se shumica e vendeve të botës tashme e kanë bërë një gjë të tillë.
Përmes një publikimi në Twitter, Bildt deklaroi se më këtë veprim, Serbia nuk do të mund të futet në Bashkimin Evropian.
“Me këtë qëndrim, Serbia de facto u s’kualifikua nga procesi i anëtarësimit në Bashkimin Evropian. Nuk duhet të ketë vend për në BE, anëtarët e rinj që nuk ndajnë vlerat dhe interesat tona themelore”, shkroi ai.
Ndaj vendimi të Serbisë ka reaguar edhe ish-ambasadori i Amerikës në Kosovë, Philip Kosnett.
Kosnett tha se Shtetet e Bashkuara të Amerikës dhe Bashkimi Evropian ta kenë parasysh veprimin e presidentit serb, Vuçiq karshi presidentit rus, Putin, transmeton lajmi.net.
Këto komente ai i bëri në profilin e tij në Twitter, ku shtoi se veprimet e Vuçiq-uit ishin frikë morale.
“Pra, duket se presidenti i Serbisë, Aleksandar Vuçiq ka zgjedhur Putinin në vend të Perëndimit – derisa pretendon se duart e tij janë të lidhura nga opinioni publik dhe fshihet pas Kishës Ortodokse. Kjo nuk është udhëheqje: është frikë morale. BE, SHBA ju lutemi ta keni parasysh”, ka shkruar Kosnett.
Ndryshe në Ukrainë situata vazhdon të jetë mjaftë e tensionuar derisa së fundi presidenti rus, Putin ka paralajmëruar edhe mundësinë e përdorimit të armëve bërthamore.
/b.h
