Gazeta gjermane “Bild” ka bërë një shkrim për protestat e opozitës shqiptare në Tiranë.
Ajo shkruan se Shqipëria po digjet, sepse Rama e ka kthyer në një shtet mafioz.
Dhe për të argumentuar akuzat, “Bild” i referohet akuzave të opozitës dhe dy personave që ka marrë në intervistë, Ylli Manjanit dhe Basir Çollakut.
“Shqipëria është shembull shkollor i një shteti kaotik në duar të gangsterëve: tashmë një vit opozita ka braktisur parlamentin – në shenjë proteste kundër korrupsionit dhe blerjes së votave nga ana e qeverisë. Qe dy vite nuk ka Gjykatë Kushtetuese – dhe Kushtetuta e vjetër nuk është në fuqi, e reja nuk ka hyrë në fuqi.
Opozita e akuzon Ramën se me para të drogës ka blerë vota. Thuhet se një bisedë e përgjuar e dëshmon këtë. Më 11 shtator 2016 Rama i telefonoi shefit të një zyre elektorale rajonale për të pyetur nëse gjithçka kishte shkuar «sipas marrëveshjes» gjatë zgjedhjeve.
Ai u përgjigj: «Po, shef, gjithçka sipas marrëveshjes». Në Shqipëri ky rast është i njohur si «Dosja 184»”, shkruan “Bild”, dhe për gjithë këto akuza iu referohet Ylli Manjanit, që e cilëson një professor të respektuar të drejtësisë, dhe “gazetarit hulmutues”, Basir Çollaku.
Është e kuptueshme, që një media e huaj, kur bën shkrime për Shqipërinë, do iu referohet “burimeve” të saj në Tiranë.
Në këtë rast, “burimi” janë Ylli Manjani e Basir Çollaku, ndërkohë që mediat e PD-LSI na Tiranë, e kanë cilësuar si shkrim “bombë”.
Sepse, siç e kanë zakon mediat e Tiranës, duhet të marrim vesh se çfarë ndodh në vendin tonë nga ato që shkruajnë të huajt, në një kohë që zakonisht, mediat e huaja raportojnë ato çfarë shkruajnë mediat e Tiranës.(TemA)
