Autoritetet shëndetësore në Kosovë kanë raportuar një rritje të rasteve nga pandemia e koronavirusit. Të infektuarit e rinj në 24 orët e fundit janë 301, ndërkohë që dje ishin 199.
Pjesa më e madhe e rasteve të reja regjistrohet në Prishtinë, me 103 infeksione.
Për sa i përket viktimave, janë 2 personat që kanë ndërruar jetë, për një total prej 1357 fatalitetesh.
Me shifrat e sotme, Kosova regjistron një total prej më shumë se 52 mijë infeksionesh që nga nisja e pandemisë. Prej tyre, mbi 7 mijë raste janë aktive, ndërsa mbi 43 mijë e kanë mposhtur pandeminë./a.p
