Një rënie e lehtë e numrit të infektuarve me COVID-19 ka shënuar Kosova në 24 orët e fundit. 103 raste u regjistruan sot teksa 95 pacientë arritën të shërohen plotësisht, përfshi këtu edhe kreu i grupit parlamentar të LDK, Arben Gashi.
Në njoftimin zyrtar është bërë me dije se në 24 orët e fundit kanë vdekur 6 pacientë me Covid-19 ndërsa një prej viktimave është nga Kamenica, e cila bëhet dhe viktima e parë me COVID-19 të paktën zyrtarisht në këtë komunë.
Ndërsa lajmi i mirë është se janë shëruar totalisht edhe 95 pacientë me koronavirus në Kosovë, duke e çuar në 2,640 numrin total të të shëruarve.
Me rritjen e sotme numri i përgjithshëm i viktimave nga koronavirusi ka shkuar në 124 që prej fillimit të shpërthimit. Ndërsa të infektuar numërohen 5,472 persona ku mes tyre raste aktive janë 2.708.
g.kosovari
