Një ditë pas tërmetit të fortë që goditi Italinë qendrore, mes rajonit të Markes dhe Umbrias autoritetet kanë nisur përllogaritjen e dëmeve. Tërmeti i parë 5.4 ballë i shkallës Rihter, është shoqëruar më pas nga dy të tjerë me magnitudë 5.9 dhe 4.6.
Sizmologët thanë se gjatë natës janë regjistruar edhe 200 lëkundje. Komunat më të goditua janë Visso, Ussita dhe Castelsantengelo. Mësohet se qeveria ka dhënë 40 milionë euro për përballimin e shpenzimeve, ndërkohë që Mbrojtja Civile ka siguruar: “Njerëzit nuk do të qëndrojnë në tenda, por në hotele”.
“Tërmeti është duke na vënë në një provë të vështirë, por Italia është më e fortë, nuk i lë vetëm qytetarët e saj, jemi më të forta dhe do t’ia dalim, – ka thënë kryeministrin italian Mateo Renzi, gjatë vizitës së tij në zonat e goditua.
Më tej, Renzi i ka kërkuar “Parlamentit, në respekt të plotë të roleve, të punojë sa më shpejt për të aprovuar dekretin mbi tërmetin, sepse ka burime dhe mjete për të qenë menjëherë në gatishmëri”, raporton shqip.
Autoritetet italiane të ndihmës së shpejtë dhe Mbrojtjes Civile, deklarojnë së deri tani rreth 4 mijë persona janë shpërngulur nga zonat e goditura. “Situata është dramatike, vetëm për mrekulli nuk ka të vdekur dhe të plagosur rëndë, por dëmet janë të pallogaritshme:, – tha përgjegjësi i Mbrojtjes Civile Angelo Sciapichetti./a.k
