Shifra alarmante janë ato të viktimave të mbetura në aksidente rrugore. Në ditën Botërore në Kujtim të Viktimave nga Aksidentet Rrugore, ministri i Punëve të Brendshme Saimir Tahiri ka bërë të ditur se në 10 vitet e fundit, janë 3184 të vrarë nga aksidentet.
“Bilanc tragjik që duhet ndaluar sa më parë. Respekto rregullat e qarkullimit rrugor, ruaj jetën tënde, ndihmo të tjerët të ruajnë jetën e tyre”, – shkruan ministri në rrjetin social Facebook.
Gjithashtu, ai ka publikuar në rrjetin social foto të ndryshme nga aksidentet e simuluara që pati sot në disa pika kyçe të qyteteve të ndryshme në Shqipëri, së bashku me mesazhe sensibilizuese për të drejtuar automjetin sipas rregullave të lejuara në rrugë/express/a.k
