Ka shkuar në mbi 100 mijë numri i vdekjeve nga Covid-19, përkatësisht 102,276.
Kjo shifër, është pothuajse dyfishi i numrit të amerikanëve të humbur gjatë Luftës së Vietnamit dhe më e larta në të gjithë botën.
Rasti i parë me koronavirus u shfaq në Uashington më 21 janar.
Deri më tani janë regjistruar 1,7 milion të infektuar, që përbën 30% të rasteve në botë.
Rreth 1.400 amerikanë kanë vdekur mesatarisht çdo ditë në maj, nga kulmi prej 2,000 vdekshjesh në ditë në prill, sipas të dhënave të shteteve dhe të qarqeve mbi vdekshmërinë nga COVID-19.
Në rreth tre muaj, më shumë amerikanë kanë vdekur nga COVID-19 sesa gjatë Luftës Koreane, Luftës së Vietnamit dhe konfliktit amerikan në Irak nga viti 2003-2011 të marra së bashku.
Ndërsa SH.B.A. kaloi shifrën ogurzezë, Presidenti Donald Trump mbrojti trajtimin e tij të krizës dhe akuzoi mediat e lajmeve dhe politikanët demokratë për përhapjen e dezinformatave në lidhje me përgjigjen e tij.
“Radikalët e majtë, së bashku me partnerët e tyre, demokratët që nuk bëjnë asgjë, po përpiqen të përhapin një narrativë të re që Presidenti Trump ishte i ngadaltë në reagimin ndaj Covid 19,” tha Trump në një postim në Twitter të mërkurën. “E gabuar, unë isha shumë i shpejtë, madje bëra ndalimin e lëvizjeve me Kinën shumë kohë përpara se dikush ta mendonte si të domosdoshme!”
Referenca e presidentit Trump ndaj Kinës lidhet me vendimin e tij të 31 janarit për të ndaluar qytetarët jo-amerikanë të udhëtojnë nga Kina ndërsa lejoji që qytetarët amerikanë dhe banorët e përhershëm të vazhdonin të vinin në SHBA për sa kohë që i nënshtroheshin vëzhgimit dhe mundësisë së një karantine 14-ditore.
g.kosovari
