Big Basta dhe Vesa Luma, një dasëm si në përralla
Prej disa vitesh artistët Gerald Xhari (Big Basta) dhe Vesa Luma jetojnë një histori të bukur dashurie, të cilën do ta konkretizojnë me martesë në muajin që vjen. Shtatori është shumë i rëndësishëm për çiftin, por në mënyrë të veçantë data 12-të.
Nuk është zgjedhur rastësisht kjo datë pasi 12-ta është numri i tyre. Mediat kanë shkruar për këtë martesë, por duke qenë se çifti nuk ka dëshirë të bëjë publike jetën private nuk janë dhënë shumë detaje. Anabel ka mësuar disa detaje të kësaj dasme duke nisur që nga ftesa e cila është e personalizuar si një mesazh i ngrohtë në shishe.
Kjo ftesë tregon se dasma do të jetë vërtetë e veçantë. 
Burime për Anabel, tregojnë gjithashtu se kjo dasmë do të jetë e konceptuar si një histori përrallash. Do të ketë kala, princ dhe princeshë. Nuk do të bëhet as në Tiranë e as në Kosovë, por në Kalanë e Lëkurësit në Sarandë. Do të jetë një ceremoni intime mes miqve dhe familjarëve të Bigit dhe Vesës, raporton revista Anabel.
