Big Basta dhe Vesa Luma martohen në shtator
Në datën 12 shtator do të bëhet dasma e një prej çifteve më të përfolur të showbizit shqiptar. Big Basta e Vesa Luma do të martohen. Pas një lidhjeje dashurie disavjeçare dhe një propozim romantik në Paris, çifti më në fund vendosi.
Nuk dihen ende detajet e dasmës, që ne premtojnë se do t’jua zbulojmë në javët e ardhshme, dhe as se sa ceremoni do të bëjë çifti. E themi këtë sepse dihet që të afërmit dhe miqtë e tyre jetojnë në dy kryeqytetet shqiptare.
Mund të kenë zgjedhur Tiranën, por nuk është çudi edhe që të gjithë dasmorët të bashkohen në Prishtinë. Ose ndoshta do të bëjnë dy ceremoni, por deri në shtator ka kohë për t’i mësuar të gjitha këto.
Po ashtu, tashmë çiftit do t’i duhet të vendosin edhe se ku do e krijojnë familjen e tyre të re, pasi dihet se deri më tani të dy kanë jetuar më shumë larg, për shkak të impenjimeve të secilit.
Pos këngës, Vesa sivjet ka nisur edhe një program televiziv në Kosovë, që flitet se do të ketë një rikthim në sezonin e ri.
