Këtë të enjte, në Përmet është zbuluar një varrezë me mbetjen e të paktën katër personave, ndërsa bëheshin punimet për ndërtimin e rrugëve të brendshme të qytetit.
Menjëherë, pa pasur asnjë provë, në disa portale u shkruajt se kishim të bënim me një varrezë masive të komunizmit.
Kaq u desh, dhe atje shkuan nga Tirana edhe disa sharlatanë, që pretendojnë se përfaqësojnë ish-të përndjekurit, për të denoncuar se aty janë varrosur njerëz të pafajshëm, të vrarë nga komunistët gjatë regjimit komunist.
Por në fakt, e vërteta është krejt tjetër.
Sipas një njoftimi të autoriteteve që kanë bërë analizat, në fakt kemi të bëjmë me një varrezë shumë të hershme, që daton që në mesjetë.
Kjo, pasi do të ishte qesharake, që komunistët të vrisnin njerëzit dhe t’i varrosnin në mes të qytetit.
“Projekti Task 5, “Projekti për zhvillimin e integruar urban dhe turistik Berat- Përmet”.
U zbuluan gjatë monitorimit te punimeve disa varre ne Permet.
U be pezullimi i punimeve, dhe në datën 07.07.2021 specialistët tane bene inspektimin dhe vlerësimin e gjetjeve arkeologjike në terren.
U arrit në konkluzionin se kemi të bëjmë me një varrezë e cila paraprakisht datohet në periudhën mesjetare.
E shqyrtuam dje në Këshilin Kombëtar të Trashëgimisë Kulturore Materiale dhe po dje u përcaktua kryerja e gërmimit arkeologjik të shpëtimit për varrezën e identifikuar, qe do te behet po nga Instituti.
Rezultatet e gërmimit arkeologjik të shpëtimit, do shqyrtohen në mbledhjen e ardhshme të Keshillit Kombetar”, thuhet në njoftim./m.j
