Nëse kemi qeshur me personazhin e ‘Portokallisë’, kemi gabuar. Duket se ata që quhen ‘skiftera’ ekzistojnë vërtetë. Rasti i rrallë vjen nga Cuneo i Italisë ku dy vëllezër shqiptarë kanë rënë në prangat e policisë.
Bëhet fjalë për binjakët Edmond dhe Eduard Trushi të cilëve iu gjet në banesë bizhuteri, ora të shtrenja dhe sende të tjera me vlerë. Gjithashtu policia gjeti edhe 25 mijë euro, ndëra të gjitha këto ishin fshehur në një kafaz ku binjakët mbanin pëllumbat.
Sipas hetimeve të para, dy vëllezërit Trushi i dërgonin sendet që grabisnin në vendin e tyre, Shqipëri. Dyshohet së ata kanë kryer 100 grabitje ndërsa në Rifreddo kanë kryer 7 grabitje në një natë të vetme.
Edhe pse binjakët Turshi kishin rënë në prangat e policisë disa muaj më parë, ata arritën të arratiseshin pasi dhunuan patrullën. ‘La Stampa’ raporton se në momentin e arrestimit të fundit, vëllezërit shqiptarë u ndoqën 24 orë nga policia pasi nuk pranon t’i ndalonin asaj.
