Ministrja e Shëndetësisë, Ogerta Manasitrliu ka deklaruar së fundmi se në krye të Komitetit të Ekspertëve është zv/ministrja e Shëndetësisë, Mira Rakacolli.
Manastirliu gjatë një interviste për emisionin “Në fokus”, në TvT theksoi se ka edhe grupe teknikësh që asistojnë me përgatitjen e strategjive që duhen ndjekur për COVID-19.
“Komiteti i ekspertëve drejtohet nga zëvendësministrja e Shëndetësisë, profesoreshë Mira Rakacolli, dhe ka në përbërje ekspertë të ndryshëm të fushave të ndryshme. Nga ana tjetër ka edhe grupe teknikësh që asistojnë me përgatitjen e strategjive tona”, tha Manastirliu.
Pak javë më parë Komiteti Teknik i Ekspertëve reagoi për debatin mbi numrin e testimeve në Shqipëri dhe theksuan se gjithçka që ata po bëjnë bazohet në një ekspertizë. Komiteti deklaroi se masat e marra dhe hetimi epidemiologjik ka dhënë rezultate shumë të mira deri tani.
g.kosovari
