Luiz Inácio ‘Lula’ da Silva do të rikthehet në postin e presidentit të Brazilit.
Politikani i majtë ka arritur të fitojë në zgjedhjet presidenciale ndaj presidentit të deritanishëm Jair Bolsonaro nga ekstremi i djathtë. Lula mori rreth 51 përqind të votave.
Rezultati ishte tejet i ngushtë, në një kohë kur shteti më i madh në Amerikën Latine ka përjetuar përçarjen më të madhe ndër dekada.
Sondazhet tregonin për një fitore më bindëse të ish-presidentit Brazilian Lula, por diferenca doli të jetë solide në kombin mbi 210 milionë banorë.
Kështu Lula do të betohet si president më 1 janar 2023. Ai ka premtuar reforma në ekonomi.
Brazilianët në vitet e fundit u përballën me Bolsonaron i cili ishte një ithtar ideoogjik i ish-presidentit amerikan Donald Trump.
Kritikat më të ashpra Bolsonaro i ka marrë në situatën e COVID-19, kur injoroi rekomandimet e Organizatës Botërore të Shëndetësisë.
Brazili ka qenë ndër vendet më të prekura nga pandemia në aspektin shëndetësor dhe atë ekonomik.
/a.r
