Drejtori i Policisë Rrugore, Mitat Tola, tha sot se ka një përmirësim sa i përket uljes së numrit të aksidenteve në rrugët e Shqipërisë.
Sipas tij, ky vit shënon 40 viktima më pak sesa 2016-a dhe e gjitha kjo falë kontrolleve të shtuara policore.
“Ne kemi menduar sot të fillojmë një javë të intensifikuar kontrollesh për të rritur sensibilizimin për të pasur sa më pak viktima. Në 2017, ka pasur kontrolleve ka bërë që të kemi një numër më të ulët të aksidenteve, referuar 2016, por edhe 40 viktima më pak se në 2016.
Shpresojmë dhe do të punojmë më fortë se 2017 do të mbyllet me një rezultate më të mira. Java do të fokusohet te kontrollet, por do të ketë edhe nga një aktivitet në shkolla. Përveç ndëshkimit, policia do të luajë edhe rolin e edukimit të drejtpërdrejtë.
Para kemi festat e fundvitit dhe shumica e emigrantëve kthehen në Shqipëri dhe trafiku rëndohet, do të ketë kontrolle. Policia rrugore ka një flotë mjetesh të lëvizshme dhe 20 radarë që do të zhvendosen në akset me trafik. Masat e policisë kanë qenë 100 mijë më pak” – deklaroi Tola.
Drejtori i Policisë Rrugore komentoi edhe heqjen e palmave dhe zëvendësimin e tyre në autostradë duke thënë se pemët nuk janë burim aksidentesh.
