Bie nga vinçi, humb jetën punonjësi i bashkisë në Libohovë
Një ngjarje e rëndë ka ndodhur ditën e sotme në Libohove,
Genci Dervishi, punonjës i bashkisë Libohovë ka humbur jetën tragjikisht ditën e sotme, raporton neës24.
47-vjeçari raportohet të ketë humbur jetën pas rrëzimit nga një vinç ku po punonte. Vinçi është këputur në momentin që viktima ka qenë duke rperë një pemë.
Pas kësaj ngjarje ka reaguar edhe Partia Demokratike e cila ka akuzuar kryetaren e bashkisë e cila sipas saj nuk ka respektuar asnjë procedurë tenderi për vinçin.
PD thotë se kryetarja e bashkisë urdhëroi këtë punë të rrezikshme e cila çoi në humbjen e jetës së punonjësit Dervishi i cili nuk kishte marrë asnjë masë për sigurimin e jetës.
Duke vijuar akuzat, PD thotë se kryetarja e bashkisë duhet të japë dorëheqjen.
