Një djalë i ri ndodhet në gjendje të rëndë, si pasojë e dëmtimeve të marra nga rënia e një pallati.
Ngjarja ka ndodhur mesditën e sotme në lagjen nr.4 të Korçës, teksa i riu është rrëzuar nga lartësia e një pallati.
I dëmtuari është dërguar në spital, ku gjendja e tij paraqitet kritike.
Lidhur me këtë rast policia ka nisur hetimet për të zbuluar më shumë mbi gjithë sa ka ndodhur.
Pritet të sqarohet nëse rrëzimi i të riut ka qenë aksidental apo nëse është vetëhedhur.
