Një punëtor 66 vjeç ka humbur jetën, pasi u rrëzua nga një lartësi. Ai ishte duke punuar për riparimin e çatisë në një banesë, ndërsa ngjarja ka ndodhur në vendin e quajtur Qafë Qelë në fshati Gomsiqe të Pukës.
Policia me anë të një njoftimi zyrtar sqaron se për ngjarjen po hetohet penalisht një 64-vjeçar, i cili akuzohet për veprën penale “Shkelje e rregullave të mbrojtjes në punë”.
“Specialistët për Hetimin e Krimit të Komisariatit të Policisë Pukë, proceduan penalisht për veprën penale “Shkelja e rregullave të mbrojtjes në punë shtetasin Gj.D., 64 vjeç, banues në lagjen “Skenderbeg”, Lezhë.
Procedimi ndaj tij filloi pasi në vendin e quajtur Qafë Qelë, fshati Gomsiqe, Pukë, në banesën e vjetër të shtetasit GJ.D, është aksidentuar duke rënë nga lartësia dhe për pasojë ka gjetur vdekjen shtetasi P.N., 66 vjeç banues në lagjen “Kalaja”, Lezhë, i cili ishte duke kryer disa punime në çatinë e banesës së këtij shtetasi”, thuhet në njoftimin e policisë.
Ndërkohë, materialet iu referuan Prokurorisë pranë Gjykatës së Parë Pukë, për veprime të mëtejshme.
g.kosovari
