Lezha ishte një ndër 6 bashkitë ku Lëvizja Socialiste për Integrim dhe kandidati i zgjedhur i saj në emër të Aleancës për Shqipërinë Evropiane Viktor Tushaj humbi përballë rivalit të tij demokrat.
Por duket se kjo humbje nuk ka qenë e rastësishme, pasi ajo po reflektohet edhe në votat që po numërohen për Këshillin Bashkiak. Në fakt sipas të dhënave që raporton Komisioni Qendror i Zgjedhjeve, LSI është forcë e katërt në bashkinë e Lezhës, duke u parakaluar edhe nga Partia Ora e Shqipërisë.
Deri më tani kur janë numëruar 80% e kutive Partia Demokratike rënditet forcë e parë poltike me 15.79 % të votave, ndërsa menjëherë pas saj vjen Partia Socialiste me 12.25 %.
Ndërkohë POSH ka marrë deri më tani 10.30 % të votave dhe LSI me 7.95% të votave.
Megjithatë edhe pse në renditjen e plotë janë 2 parti të djathta që kryesojnë renditjen, të majtët kanë arritur të kenë avantazhin si koalicion duke arritur të marrin 14 903 vota kundrejt 11 482 votave që ka aktualisht kualicioni i djathtë.
