Inflacioni është ngadalësuar në këtë fillimvit, por ulja e çmimeve te ushqimet e shportës është reflektuar në pak produkte.
Ndërkohë tek fruta-perimet; specat, kastraveci, qepa, fasulja nuk e kanë ndalur rritjen e çmimit, ashtu si edhe molla dhe portokallet.
Gjithashtu mishi dhe të gjithë nënproduktet e tij vijnë me rritje, ku më të fortën e ka pësuar mishi i qengjit në gati 1200 lek/kg, ndërsa mishi i viçit ndjek nga pas me përafërsisht 1115 lek/kg.
Qytetarët shprehen se mishi dhe djathi janë bërë të paprekshëm
Në një totale për listën e shportës bazike pa përfshirë produktet e akcizës, alkool, cigare, naftë një qytetarëve nga janari 2022 i janë rritur shpenzimet me 25%, ndërsa për t’i siguruar të gjitha i duhen 15 500 nga 12 170 lek, dy vite më parë. Ndërkohë paga mesatare gjatë kësaj periudhe është rritur me 17%, ku ka ndihmuar edhe rritja e fortë në administratën publike në tremujorin e dytë të 2023-it.
/f.s
