Joe Biden pritet të përdorë takimin e tij të fundit me liderin e Kinës, Xi Jinping, për t’i kërkuar atij që të largojë Korenë e Veriut nga thellimi i mëtejshëm i mbështetjes së saj për luftën e Rusisë kundër Ukrainës.
Bisedimet sot, të cilat do të jenë në margjinat e samitit vjetor të Bashkëpunimit Ekonomik Azi-Paqësor në Peru, vijnë pak më shumë se dy muaj përpara se Biden të largohet nga detyra.
Do të jetë takimi fundit i Biden me Presidentin e Kinës, Xi Jinping.
Me takimin përfundimtar, zyrtarët thonë se Biden do të kërkojë që Xi të rrisë angazhimin kinez për të parandaluar përshkallëzimin e mëtejshëm të një momenti tashmë të rrezikshëm me Korenë e Veriut.
Këshilltari për sigurinë kombëtare të Shtëpisë së Bardhë, Jake Sullivan, tha se zyrtarët e administratës së Bidenit do të këshillojnë ekipin Trump se menaxhimi i konkurrencës intensive me Pekinin ka të ngjarë të jetë sfida më e rëndësishme e politikës së jashtme, me të cilën do të përballen.
