Zëvendëspresidenti i SHBA-ve, Joe Biden tha sot se ai dhe familja e tij i janë mirënjohës Kosovës për nderimin e djalit të tij. Ai ka zbuluar se djali i tij i ndjerë, Beau ishte i dashuruar me Kosovën ashtu siç ishte dashuruar edhe vet ai më pas.
“Beau ishte shumë i kujdesshëm dhe kur erdhi këtu u dashurua me këtë vend, ashtu siç u dashurova edhe unë. Më kujtohet kur u kthyeva në shtëpi dhe i pata treguar Jillit se çfarë vendi i mirë ishte këtu”, ka thënë Biden, duke shtuar, “Në emër të familjes time, ju jemi mirënjohës dhe jemi shumë të prekur me këtë gjest.
E kam vizituar shumë herë këtë rajon kur kam qenë senator. Vizita ime e parë ka qenë në mesin e viteve 70, e dyta si zëvendëspresident në Kosovë. Këto vizita janë bërë sepse kam besuar shumë në prospektivitetin e këtij vendi”, ka thënë Biden. /Zeri/ r.a
