Vijon lufta e denoncimit me foto. Basha mbrëmë publikoi një foto të të arrestuarit Durim Keçi me ministrin Blendi Klosi, por sot Taulant Balla i është përgjigjur duke i rinxjerrë liderit të PD një foto me Flamur Begën, të arrestuar për mina me telekomandë.
“Sot duhet të ishim bashkë për të rënë dakort për reformën zgjedhore, por nuk po ikim dot një prirje të gabuar e nisur nga kreu i PD”. Hiq dorë nga historia e fotove, se po fillove këtë histori do të dalësh i humbur”, u shpreh Balla.
“Pse mor lulzim? Unë duhet të vij këtu dhe të them që ti dhe ky shisni mina me sahat? Unë të them që ti vendos mina me sahat bashkë me Flamur Begën? Unë të them që duhet të japësh dorëheqjen se ke dalë në foto me të?”, tha Balla.
Lulzim Basha i përgjigjet Ballës për foton me Flamur Begës, “Nuk është çështje fotografish. Kjo nuk është selfie, por darkë, ndërsa kjo mbledhje e shtabit. E njohin mirë marrëdhënien e Blendit me Keçin. Fajin nuk e ka as Dako, por Rama, ai është arkitekti, i bashkoi të gjitha qelbësirat. Nuk keni bërë vetëm fotografi, po i keni bërë drejtorë, janë njerëzit që kanë sot në dorë çelësat e vendit. Kurrë nuk kam bërë dhe nuk do të bëj asnjë pakt me krimin, do ta shporrim, bashkë me kapobandat”.
“Është koka e krimit, ministrat e tij janë kabineti i krimit. Pandeli nuk e krimin, por me Veliajn ti, Damian Çela, Ditëzi Bajro, e harruan Sulë Bushatin, tani të gjithë thonë Ditëzi Bajro. Zozonja i njohur për aferat e tij, por tipari kryesor është që ai e peshon në kandar Ramën. Po kush e mbushi Shqipërinë me kanabis”, replikoi Sali Berisha. /ma.me
