Juristja Brisida Gjikondi u shpreh se PS është shumë më para me ndikimin e saj në kryeqytet sesa PD dhe varet nga shumë faktorë. Sipas saj, SPAK mund të trondis ujërat në kryeqytet.
Lidhur me partitë e reja, juristja u shpreh se shfaqja që dhanë nuk la një shije të mirë dhe se janë të infektuar me të vjetrën.
“Mos harrojmë që Tirana ka një numër të madh banorësh dhe shumë vota të Diasporës do të ndahen sipas qarqeve dhe të vendbanimit. Tirana është një miks i madh dhe kam përshtypjen që do ndikojë shumë dhe Diaspora në Tiranë. Mendoj që PS është më përpara se PD për shkak të organizimit. 200,000 nëpunës të shtetit pjesa më e madhe janë në kryeqendër, në Tiranë dhe besoj se dhe kjo do ndikojë.
Tiranën mund ta krisë pak puna e SPAK-ut do ti trondis ujërat në Tiranë. Për partitë e vogla më ka lënë një shije jo të mirë sepse e çuan në Gjykatë Kushteteuese hapjen e listave dhe në momentin që u vendos mos të hapeshin direkt u bindën. Ju ka leverdisur krerëve që të jenë vetë të sigurt. Dhe shfaqja që u dha nuk më la shije të mirë. Atë protestë e kishte organizuar lëvizja Bashkë dhe shkuan të tjerë të paftuar. Të mendosh që fryma e së vjetrës ka infektuar edhe të renë, nuk lë shije të mirë. “
