Gjendja aktuale në Maqedoni është shqetësuese, ka thënë para anëtarëve të Komisionit për Politikë të Jashtme të Bundestagut sekretari shtetëror në MPJ-në e Gjermanisë, raporton korrespondenti i portalit maqedonas sdk.mk.
Anëtari i Komisionit dhe deputeti nga radhët e CDU – CSU Torsten Fraj ka deklaruar për mediumin se lehtësim ka sjellë vendimi i tërheqjes së faljes, me çka është plotësuar njëri nga kushtet e rëndësishme për zhbllokimin e krizës politike.
“Aktualisht, nuk ka termin të ri. Por, me rëndësi është që Maqedonia shpejt të vijë deri te zgjedhjet e reja, ndërkaq deri atëherë duhet të formohet Qeveri teknike e cila do të ndihmojë në krijimin e kushteve për zgjedhjen e qeverisë së re demokratike”, thotë Fraj.
“Nëse Maqedonia do të shkojë drejt rrugës së integrimeve euroatlantike, duhet që të plotësohen kushtet që kanë të bëjnë me reformat në shtet dhe me atë që ka lidhje me perspektivat evropiane.
Vlerësoj se përveç zbatimit të Marrëveshjes së Përzhinos dhe reformave në shtet, është shumë me rëndësi që të hapërohet në lidhje me çështjen e emrit. Këtu, BE, dhe sigurisht edhe Qeveria gjermane, kanë pjesë të përgjegjësisë së tyre”, ka thënë Fraj. (b.an)
