Në fjalën e mbajtur sot para Kryeministrisë ish-kryeministri Sali Berisha tha se protestat nuk do të ndalen derisa regjimi i klepto-kracisë të vendoset para ligjit dhe shqiptarët të votojnë të lirë.
Berisha e konsideroi edhe një herë Lefter Kokën si “hajdut të dobishëm” në aferën e inceneratorëve, duke u shprehur se afera shkon deri te ministrat dhe kreu i qeverisë Rama.
“Protesta jonë sot është protesta e mbarë njerëzve të qytetëruar në Evropë dhe në botë, të cilët nuk pajtohen kurrë me gjenocidin dhe krimet kundër njerëzimit, të cilët presin nga Beogradi dhe udhëheqësit e tij të kërkojnë falje publike dhe jo të mohojnë Srebenicën dhe gjenocidin ciklik kundër shqiptarëve. Ata që mohojnë gjenocidet nuk duhet të kenë vend në botën e qytetruar.
Ndaj dhe kjo protestë e para e këtij lloji, ka dimensione të shumta. Në emër tuaj dua të deklaroj sot se Ballkani i Hapur do të hidhet poshtë me të gjitha aktet në marrëveshje sapo PD të jetë në pushtet. Të dashur miq, Ballkanin e Hapur, treshja Vuçiç dhe vasalët e tij, përpiqet ta paraqesë si politikë që mbështesin SHBA-të. E vërteta është që ky është mashtrim, SHBA-të mbështesin bashkëpunim midis vendeve të barabartë, midis vendeve sovrane, dhe jo midis vendeve të panjohura, të nënshtruara.
SHBA-të kanë qenë dhe janë faktor paqeje dhe stabiliteti në rajon. Ballkani i Hapur ka një kumbar, dhe kumbari i tij është multimiliarderi George Soros. Me këtë rast, më lejoni t’i bëj thirrje Kongresit të SHBA-ve, qeverisë së SHBA-ve të ndalojë cdo veprimtari politike të Sorosit, që dublon politikën e jashtme të SHBA-ve në Ballkan. Ne mblidhemi sot këtu si qytetarët më të vjedhur, më të rrjepur, më të varfëruar të kontinetntit.
Këto 8 vite ne u vodhëm, u plaçkitëm më shumë se të gjithë qytetarët e tjerë të Evropës dhe botës. Pasuria publike u shndërrua në pasuri të ministrave kleptokratë. Afera 3 mln euro e djegësit të Elbasanit është thjesht një kafe mëngjesi për narko-qeveritarët. Lefter Koka është një hajdut i dobishëm në këtë aferë të madhe. Paratë që të gjitha i dispononte firma e Edi Ramës. Ligjet u shkelën një nga një.
SPAK-u të cilën tani Lulzim Brava po i thur apoteoza, kërkun t’i vërë kapak aferës 430 milionë me tre milionë të vjedhur. Miq që jeni këtu të betoheni para njëri-tjetrit dhe vetes së nuk do ta ndërpresim kurrë protestën derisa regjimi i klepto-kracisë të vendoset para ligjit dhe në si shqiptarë të votojnë të lirë për veten dhe vendin tonë”, tha Berisha./m.j
