Aktivistja shqiptaro-amerikane, Evi Kokalari, i është drejtuar me një tjetër mesazh kreut demokrat Sali Berisha, për të cilin thotë se nuk do ia falë atë që e konsideron si ‘sakrifikim të saj dhe demokratëve, për shkak të korrupsionit të djalit të ish-Kryeministrit’.
Kokalari shkruan se beteja me Edi Ramën do të nisë atëherë kur të ikë Sali Berisha.
“Mos harroni se për atë leje ndërtimi u sakrifikua e gjithë çfarë kisha bërë personalisht, duke riskuar shumë gjëra në Amerikë, ndërkohë që i dola në krahë dikujt që ishte nën sanksione nga SHBA. Por Berisha normalisht, me atë karrierë politike, në atë pikë duhet të ishte burrë shteti, siç e kisha menduar unë, dhe jo të na shpaloste dinakërinë e tij për korrupsionin e të birit”, shkruan Kokalari.
Postimi nga Evi Kokalari
Pa ikur Berisha, nuk ikën Rama. Pikë.
Të gjithë ju që jeni në krahë të Berishës, po i jepni mandatin e katërt Ramës, dhe arsyeja pse e bënë është tejet mediokër.
Të gjithë gënjeheni me kandidatura për deputet. Shqipëria me ju nuk bëhet. Nëse qëllimet tuaja janë të qenit deputet (sepse çuditërisht këtë e quani dhe post prestigjoze), atëherë ju jeni pengesa kryesore e çlirimit të vendit nga korrupsioni.
Ramën do e kisha luftuar shumë kollaj, sepse Rama të jep plot arsye, por kur ti je i lyer kokë dhe këmbë e bën sikur lufton korrupsionin e Ramës, humb kredibilitet në popull.
Inati im mbetet me Berishën që i dhamë një shans fantastik në 2021, u ngrit shpresa në popull, dhe ai e abuzoi për leje ndërtimi të Kullës së Malit.
Mos harroni se për atë leje ndërtimi u sakrifikua e gjithë çfarë kisha bërë personalisht, duke riskuar shumë gjëra në Amerikë, ndërkohë që i dola në krahë dikujt që ishte nën sanksione nga SHBA. Por Berisha normalisht, me atë karrierë politike, në atë pikë duhet të ishte burrë shteti, siç e kisha menduar unë, dhe jo të na shpaloste dinakërinë e tij për korrupsionin e të birit.
Berishës nuk ja fal, ashtu siç nuk ja falin shumë demokrat të ndershme që janë pasive tashmë dhe s’duan ti japin atij me jetë. Derisa Berisha të dalë nga loja, nuk fillojmë dot luftë të mirëfilltë me Ramën. Kështu që tashme presim – dhe shohim si Rama do marrë mandatin e katërt dhe Berisha do të ballafaqohet me drejtësinë.
Sapo të plotësohen këto kushte, shqiptarët do jenë gati të shkojnë në betejë vetëm me Edi Ramën.
Elementët e tjerë vërdallë këtyre dy figurave, janë pa vlere momentalisht sepse thjeshtë po konsumohen, gjithsesi, disa prej tyre kanë respektin tim.
