Ish-kryeministri Sali Berisha, në një intervistë për Ora Neës, ka komentuar akuzat e bëra ndaj tij nga deputeti i PS Taulant Balla, për një vilë të padeklaruar në Gjirin e Lalzit. Sipas Berishës vila është e kuantit të tij, biznesmen, e ndërsa vila tjetër është e dhëndrit të tij.
“Vila që paraqitet në Gjirin e Lalzit, njëra është e Nikolin Jakës, tjetra është vila e kunatit tim që është 20 vjet biznesmen dhe e dhëndërit tim. Po ta kisha kurrë nuk do ta mohoja. Standardi im është standardi im. Në vitin 2005 jam bërë kryeministër i këtij vendi, fëmijët e mi kanë kërkuar të bëjnë deklarimin e pasurisë. Ja ku i kanë, s’kanë mundur të gjejnë kurrë edhe një qindarkë të gabuar”,tha Berisha.
Berisha është ndalur edhe në ftesën për kafe që kandidati i Partisë Demokratike për Bashkinë e Tiranës, Halim Kosova, i ka bërë kryeministrit Edi Rama. AI e ka quajtur këtë si një veçanti që tregon se ai është vetvetja dhe se do të vendosë interesin qytetar mbi atë partiak në krye të bashkisë.
