Ish-kryeministri Sali Berisha ka akuzuar mazhorancën se bllokon seancat e parlamentit me çështje jashtë rendit të ditës, duke akuzuar opozitën.
Sipas Berishës, prej 3 vitesh në Parlament akuzohet opozita. Ai tha se pa opozitën nuk mund të jepej rekomandimi pozitiv për negociatat. Ai i është riktheyr edhe njëherë deklaratave të Ramës kundër Trump, që sipas Berishës e “ka bërë kryeministrin me fiksime”.
“Ka 3 vjet që kërkojmë seancë normale dhe 3 vjet që prishni seancat. Nëse këta veprojnë në këtë mënryë, unë përdor ato fjalë që si kam as për zemër. Ju jeni të verbër nga sytë e mendjes. A nuk doli kolegu juaj këtu para jush, a keni ju ndërgjegje njerëzore. A keni integritet? Ju dolët këtu pa asnjë lidhje me rendin e ditës, sulmuat opozitën.
A jeni ju që e bëni këtë seancë këtë gjë? Po pse akuzuat opozitën për negociatat? Po pa opozitën nuk merrej kurrë ai rekomandim. Çfarë mendoni ju se opozita nuk ka kontakte, nuk ka burime? I ka të gtjiha opozita. Ju vini opozitën në bankën e të akuzuarit. Nëse u vendos rekomandimi, u vendos se këtu u votua kushtetuta nga opozita, se nuk kishit vota. Negociatat nuk u hapën se ju keni këto sjellje të paimagjinueshme. Ju lëshoni tonelata akuzash dhe kërkoni seanca pastaj. Po çfarë seanca bëni ju kur bëni akuza ndaj opozitës. Kaloni te Trumpi, se opozita paska qenë kundër Trumpit, po çfarë lidhje ka kjo. Dhe tani se i fiksohet atij që udhëhiqet nga fiksiemt, dilni këtu dhe akuzoni”, tha Berisha./a.m.
