Sali Berisha tha mbrëmjen e së enjtes se ka pasur një telefonatë me Lulzim Bashën para se ky i fundit ta përjashtonte nga Grupi Parlamentar.
Berisha tha se ky vendim shënon shkallmimin e pluralizmit politik në vend.
Sa i përket telefonatës, Berisha tha:
“Fola dhe i thashë se unë e kuptoj që je në presion të madh, por ka vendime që njeriu nuk pranon t’i marrë kurrë. Njeriu jep dorëheqjen përpara se t’i marrë këto vendime”.
Berisha u premtoi demokratëve rikthimin e PD në ato parime që sipas tij Lulzim Basha i shkelmoi në mënyrë të paimagjinueshme. Ai e cilësoi që sot PD-në një fasadë-opozitë.
“Sot PD është shndërruar në një parti pa sovranitet e cila dorëzohet e tëra para lobimit korruptiv të Edi Ramës dhe George Soros. Bashës iu bë presion se mund të merreshin sanksione ndaj atij vetë apo PD-së. Basha mund të futej në sanksione, por një mijë herë më mirë të mbetej sovrane. SHBA është vendi i mrekullisë së lirisë, sepse ato gabimet i korrigjojnë” – tha Sali Berisha në ‘Opinion’.
/a.r
