Ish-kryeministri Sali Berisha ka reaguar pas protestës së dhunshme në Rrugën e Kombit. Ai u ka bërë thirrje qytetarëvë të vijojnë qëndresën kundër tarifës. Berisha thotë se ky ëhstë vetëm fillimi dhe se protesta mund të zhvendoset në Tiranë.
“I bëj thirrje qytetarëvë të Kukësit, Hasit, të hedhin në një anë zgjedhën e taksave, që një njeri pa shpirt, i cili ka konsideratat më të ulëta për njerëzit e thjeshtë si tregoi rastin e fundit në parlament, i lejon vetes të përdorë cdo masë represive ndaj qytetarëve”.
Kështu tha ish kryeministri Sali Berisha në një lidhje telefonike me News24.
“Rruga e Kombit është Rruga e Kombit dhe s’është as e Ramës as e klikës në pushtet. Ajo ka një mision të madh bashkimin e një kombi. “Placka” Rama është një akt i mirëfilltë antikombëtar me të cilën qytetarët s’duhet të pajtohen kurrë. Rama udhëhiqet nga urrejtje kombëtare, i bëj thirrje të ndërpresë dhunën policore dhe të dijë mirë se ky është vetëm fillimi”. Ai ka paralajmëruar se protesta e Kalimiashit mund të zhvendoset në Tiranë./a.m.
