Shkëlzen Berisha, djali i ish-Kryeministrit Sali Berisha ka komentuar bërjen publike të videos intime të gazetarit Sokol Balla. Sipas Shkëlzen Berishës publikimi i pa autorizuar i videos përbën një vepër penale e cila në kushtet kur prokuroria dhe ligji nuk veprojne vazhdon të përsëritet.
Duke bërë një paralelizëm të kësaj video me rastin e publikimit të fotove nudo të kryeministrit Rama, në vitin 2007 për Berishën “mungesa e nje reagimi ligjor ndaj rastit, “normëzoi” shantazhimin e kundërshtarit me materiale nga jeta e tij private”.
Në këtë drejtim Shkëlzen Berisha bën thirrje që ligji të veprojë dhe që raste të tilla të shkeljes së privatësisë së kujtdo personi të ndëshkohen ashtu siç e kërkon ligji.
“Keto dite ne rrjetet sociale po qarkullojne disa video intime te gazetarit Sokol Balla. Eshte e qarte se dikush i ka publikuar per te demtuar imazhin e personit ne fjale. Por pertej demit qe i shkaktojne gazetarit, publikimi i tyre i pa autorizuar perben nje veper penale e cila ne kushtet kur prokuroria dhe ligji nuk veprojne vazhdon te perseritet. Rasti me tipik i perdorimit te materialeve intime per shantazh dhe kapital politik ka qene fushata lokale e viti 2007. Nje gazetar, atehere zar i pushtetit, e sot zar i Rames, siguroi ne rruge private, disa foto nudo te ketij te fundit. Mburrej ne cdo tavoline, se me to do shkaterronte Ramen. Ne fund, per te fshehur gjurmet ja kaloi ato per publikim nje gazete boshnjake, e me pas, qe i pari qe i mori prej saj, per t’i publikuar ne gazeten e tij. Rezultati i zgjedhjeve dihet, por mungesa e nje reagimi ligjor ndaj rastit, “normezoi” shantazhimin e kudershtarit me materiale nga jeta e tij private.Sot eshte momenti qe ligji te veproje ndaj dhunuesit dhe shkelesit te privatesise per te percjelle nje mesazh te forte ndaj kujtdo qe guxon te perfitoje prej saj, per hakmarrje personale apo perfitime politike. Te jesh person publik nuk do te thote mos kesh intimitet dhe privatesi. Kushdo qe guxon ta thyeje ate duhet te perballet me ligjin.” shkruan Berisha
Redaksia Online
(Javanews.al)
