Ish kryeministri Sali Berisha ka hedhur akuza drejt Ministrit të Brendshëm Sajmir Tahiri, duke thënë se tritoli në farmacinë e të atit është vënë pikërisht nga Ministri, i cili sipas tij më pas mund të fajësonte vëllezërit Gjuta, të arrestuar vitin e kaluar dhe këtë të mërkurë, të liruar nga Gjykata. Berisha shkruan në një postim në rrjetin social se përpara se Tahiri të ishte Ministër, ai ka patur një sherr mes vëllezërit Gjuta, të cilët e kanë rrahur atë.
“Lirohen Gjuta dhe Bruka! Tritolin tek farmacia e Bashkimit kontrabandist e ka vendosur i biri, Saje qorri! Personalisht nuk i njoh Xhutet dhe nuk di asgje per veprimtarine e tyre dhe nuk bej aspak mbrojtjen e tyre sepse kane avoketerit e vet, por te akuzosh 7 vete nga nje familje per kete akt, nderkohe qe thuhet gjeresisht se Gjutet , qe u arrestuan me mace dhe minj perveç gjyshes 90 vjeçare, kohe me pare e kishin zhdepur ne dru Saje qorrin, shtrire perdhe se bashku me nje mikun e tij, pasi ishte sjelle ndaj tyre si rrugaç. Ndaj dhe kur Saje u be minister do u kthente restin jo vetem me çunat e krimit ne polici por dhe ne prokurori, gje qe eshte nje shkelje shume e rende e te drejtave te njeriut, nje veper kriminale.”- shkruan Berisha.
Ihs kryeministri ka kërkuar hetime nga ana e Prokurorit të Përgjithshëm.
“Pikerisht per kete motiv, i kerkoj prokurorit te pergjithshem te beje transparent qendrimin e vartesve te tij dhe ti vendose para ligjit per mashtrimin e tyre kriminal ndaj publikut shqiptar, ne rast se vertetohet, se bashku me Saje qorrin dhe çunat e tij te krimit si dhe per arrestimin dhe mbajtjen ne burg te Gjuteve me prova te porositura apo te fallsifikuara me qellim akuzen e tyre.
I bej thirrje prokurorit te pergjithshem te nise urgjent hetimin direkt per kontrabandistin Bashkim Tahiri, djalin e tij Saje qorri, per rolin e tyre ne vendosjen e tritolit ne Farmacine e Bashkimit dhe karshi shtepise se tij nese jane te implikuar ne kete akt me qellim qe te lajne hesapet e tyre me Gjutet qe kishin zhdepur me pare Saje qorrin! Sb”- përfundon shkrimin e tij Berisha.
