Kanë nisur debatet mes ish kryeministrit Berisha dhe deputetit socialist Taulant Balla. Në kushtet kur këtë të enjte parlamenti do të votojë projekligjin e dekriminalizimit, Sali Berisha ka kërkuar shtyrjen e seancës pasi sipas tij nuk mund të kalohet një ligj i kësaj rëndësie pa rezencën e kreut të qeverisë. Berisha e ka cilësur Ramën si kreun e kokës së “Meduzës” së krimit, personit pëergjegjës për kriminalizimin e politikës dhe të qeverisë.
“Kreu i kokës së meduzës, njeriu që ka shndërruar krimin në institucionin suprem të vendit, duhet të ishte sot këtu dhe të dëgjonte të gjitha faktet, argumentet dëshmitë e opozitës kundër tij. Ai i ka bërë vendit gjëmën e vërtetë. Për herë të parë pas diktaturës komuniste, krimi kthehet në sistem dhe kthehet me ardhjen e Ramës në pushtet. Le ta konsiderojmë ardhjen e tij si një detyrim madhor për publikun shqiptar. Mblidhni krerët e grupeve dhe vendosni shtyrjen e kësaj seance deri në kthimin dhe praninë këtu të kreut të meduzës Edi Rama”-tha Berisha.
I menjëhershëm ka qenë reagimi i nënkryetarit të grupit socialist Taulant Balla, i cili i tha Berishës që rregullat për mbarëvajtjen e seancave, t’i bëjë tek SHQUPI.
“Zhurmues të lutem, dy sekonda…ne që vijmë në orën 10 të mëngjesit në seancë dhe jo në 12 siç vijnë disa këtu… rregullat shko bëji tek shqupi.. vjen ti në 12 e gjys dhe na kërkon neve se përse do të diskutohet ligji sot? Kur të votohet ky ligj ti nuk do jesh në sallë për ta votuar. Ky parlament ka votuar me konsensuS që ky projekligj të jetë sot në diskutimet e parlamentit.”- tha Balla.
