Ish Kryeministri Sali Berisha i ka bërë thirrje qytetarëve shqiptarë që të armatosen si një shenjë kundërshtimi ndaj qeverisë, që sipas atij është e lidhur me krimin. Deklarata e Berishës ka sjellë një reagim të menjëhershëm të Ministrit Tahiri, i cili nga foltorja e parlamentit, e ka cilësuar skandaloze dhe kriminale thirrjen e ish kryeministrit.
Tahiri tha se më e pakta që duhet të bëjë prokuroria është ta ndjekë penalisht pasi thirrjet ndaj popullit për armatosje janë krim i ndëshkueshëm penalisht. Tahiri gjithastu tha se PD të nisë menjëherë një komision hetimor për të vërtettuar akuzat ndaj qeverisë për Emiliano Shullazin me kushtin që në fund, kush nuk ka bërë detyrën, të largohet.
“U bëj thirrje shqiptarëve të armatosen, të sigurojnë armë, për të mbrojtur veten, vatrat, pasuritë e tyre se nuk kanë asnjë siguri, u bëj thirrje, nëse ju organizatë kriminale mendoni të terrorizoni opozitën dhe qytetarët me bandat tuaja, ju garantoj se ne dhe qytetarët jemi të gatshëm të ua kthejmë me të njëjtin mjet dhe të mos gjeni vrimë miu ku të futeni! Po Po, të armatosen si amerikanët, sepse me këtë organizatë kriminale nuk ka siguri, nuk ka qetësi.”- tha Berisha.
Në kundërpërgjigje Ministri i Brendshëm Sajmir Tahiri e ka cilësuar si skandaloze dhe antiligjore thirrjen e Berishës, duke shtuar se prokuroria do të duhet të marrë masa urgjente për këtë thirrje.
“Nuk e di sesi ky parlament vazhdon kur një ish kryeministër i bën thirrje popullit që të ngrihen në armë! Nuk e di a ka dicka më kriminale se kaq dhe besoj se prokuroria do të bëjë veprimin e duhur, sepse është vepër penale të bësh thirrje për ngritje me armë! Kjo është mendësi e vjetër. Kjo nuk ndodh në vendet demokratike por në ato të botës së tretë. Keni guximin dhe në fund të jetës politike që të bëni thirrje popullit për armatosje! Ju që coheni për një flakë shkrepse, pse nuk coheni për ta kundërshtuar këtë thirrje?! Pse nuk coheni këtu ta denonconi dhe të distancoheni, të thoni se JO, ai nuk përfaqëson Partinë Demokratike!
Çohu këtu zoti Patozi, ke qenë kryetar i grupit të PD-së! Ky parlament nuk mund të durojë një ish kryeministër që i ka hypur këtij vendi në qafë për 25 vite! Më e pakta prokuroria do duhet ta ndjekë penalisht! Më e pakta! ”- tha Tahiri.
……………..
Berisha sulmoi Ministrin e Brendshëm Tahiri, duke e akuzuar për vendosjen e tritolit në farmacinë e babait të tij, vetëm për t’ia hedhur fajin Gjutave. Sipas Berihsës tritoli u vu nga Emiliano Shullazi.
“Për tritolin tek farmacia e kontrabandistin u arrestuan 7 vetë, por vetëm një mendje idioti mund të thotë se 7 vetë u morën me vendosjen e një tritoli. Po të jenë 3 e marrin vesh 13, por të jenë 7 e marrin vesh 70, këtë nuk e hante kush. U arrestuan të gjithë Gjutat, edhe Bruka, unë nuk njoh asnjë prej tyre dhe kërkoj ndjesë që po i përmend këtu. Ec procesi, ngec procesi. Bashkim kontrabandisti tha ata më janë vendosur për shkak të detyrës së djalit tim. Djali i tij që kishte arrestuar 7 vetë. Një ditë prej ditësh prokuroria i liroi të gjithë ata. Prokuroria e kishte kërkuar Saje Qorrin hajde dëshmo, nuk shkonte, pse nuk shkonte, sepse Gjutave iu kishte dërguar Shullazin. Saje Qorri i dërgoi Emilin Vladimir Gjutës disa herë dhe zhvilloi negociata të mëdha që ta mbyllim këtë punë, sepse Emili e kishte vendos vetë. Përse u arrestuan Gjutat, sepse përpara zgjedhjeve në bllok e kishin shtri përtokë Saje Qorrin. Dhe tani Saje Qorri u bë me krahë duhet tu bënte rremën gjatave dhe për tu bërë rremën gjatave duhet të vendoste me Emilin e partisë. Nëse se kishte vendosur vetë tritolin me Emilin, shkonte në prokurori”- deklaroi Berisha.
Berisha e ka cilësuar Shullazin si numrin dy të qeverisë.
“Ky Shullazi është rasti i rradhës. Duhet ta pranojmë se me lidhjet e tij direkte me Kryeministrin dhe Ministrin e Brendshëm ai ishte defacto nënkryetari i kësaj qeverisje. Emiliano Shullazi meqenëse përmendet në kohën e qeverisë sime, është arrestuar katër herë, në një kohë kur ishte së bashku me Dritan Dajtin me të cilin ti mbaje lidhje të ngushta. Ndërsa Emili yt është arrestuar jo një po 4 herë në një kohë kur prej tre vitesh atij i është dhënë një imunitet absolut. Ai bën ligjin në Ministrinë e Brendshme, në policinë e Tiranës dhe ka vendosur edhe terrorin në portin e Durrësit. Këtu kam me dhjetëra e dhjetëra fotografi të ushtrisë së Shullazit të armatosur me të gjitha llojet e armëve, nga snajper tek armët e tjera! Ja ku e keni sesi ruajnë! Cfarë ndodhte në lagjen e tij?! Terror i paparë! Dëshimra trodnitëse kam, nga oficerë policie!”tha më tej Berisha.
