Ish-kryeministrin Sali Berisha ka replikuar me Gramoz Ruçin duke u shprehur se kryetari i Grupit të PS paraqiti një qëndrim që i përket Edi Ramës ndaj zgjedhjeve.
“Në interesin e mirë të vendit unë bëj thirrje që të pranoni kërkesën e të gjitha forcave opozitare sepse është rruga ligjore e vetme që shqiptarët të shkojnë në zgjedhje si vend demokratik” – tha Berisha referuar votimit elektronik.
Berisha the së nëse një kërkesë e tillë hidhet poshtë apriori, kjo veçse e bind opozitën se zgjedhje të lira nuk do të ketë.
“Juve ju drejton armiku më i egër i votës që pas kohës së diktaturës. Ju drejton njeriu që është njësoj si Asadi i Siris. U tha shqiptarëve që për të më votuar mua dhe të kem unë rival, shkoni votoni njëherë në referendum” – tha Berisha referuar Ramës.
Sipas tij përmes votimit elektronik zgjidhet edhe votimi i emigrantëve.
“Po të ketë vullnet, sistemi elektronik instalohet me shpejtësi të madhe. Por kryetari juaj nuk e pranon votimin elektronik sepse është angazhuar në një proces kriminal për lirimin e Aldo Bares dhe Lul Berishës” – tha deputet i PD. /b.d
