Ish-kryeministri Sali Berisha me tonë të ashpra kundër qeverisë dhe kryeministrit që e etiketoi edhe sot si Noriega, ftoi shqiptarët pa dallim moshe dhe besimi partiak të bashkohen në protestën e 27 janarit.
Nga foltorja e Kuvendit, Berisha theksoi se ‘27 janari do të hyjë në historinë e kombit si dita kur shqiptarët guxuan të ngrihen fuqishëm kundër narkorepublikës që ndërtoi një klikë unike në botë pas asaj të Koresë së Veriut”.
Berisha iu drejtua me thirrje të posaçme fëmijëve.
“27 Janari është një ftesë për të gjithë fëmijët e Shqipërisë, që kanë 3 vakte ushqim në ditë, të kujtohen që bashkëmoshatarët e tyre, kanë vetëm një vakt në orë.
Bashkohuni me prindërit tuaj më 27 janar të protestoni, të gjithë ju fëmijë të Shqipërisë, kurrë ndonjë herë në një vend të lirë e ardhmja nuk ka qenë më e kompromentuar se ju jeni viktima kryesore, të gjithë ju gjimnazistë, bashkohuni, të mos pranojnë tarifat stratosferike që ka përcaktuar Noriega i shqiptarëve, bashkohuni tu japim dërrmen, noriegëve, bastardëve që kanë vjedhjen nga mëngjesi deri në darkë si mision kryesor”- tha Berisha.
a.ç
