Sali Berisha ka njoftuar sot se padia e tij ndaj Sekretarit të Shtetit Amerikan është dorëzuar në Gjykatën Korreksionale të Parisit. Për këtë “lajm të madh” Berisha shfrytëzoi një konferencë të veçantë me gazetarët. Ai tha se shpallja e tij non-grata ka ardhur nga lobimi i Edi Ramës dhe George Soros. Berisha akuzoi se shpallja e tij non-grata është sulm politik.
Ndër të tjera, në konferencë, Sali Berisha tha:
Avokati im ka dorëzuar padinë time për shpifje në Gjykatën Korreksionale të Parisit.
Siç ju kam njoftuar se pas vendimit të Sekretarit të Shtetit Antony Blinken për të më shpalluar non-grata mua dhe familjen time, unë autorizova avokatin tim në Francë të ngrejë padi për shpifje.
Sipas avokatit ti, kjo padi bazohet në parimin universal se për shpifje nuk ka imunitet. Por gjithçka varet nga interpretimi i gjykatësit. Unë i bëj thirrje sekretarit Blinken që të dërgojë pranë kësaj gjykate çdo provë që disponon kundër meje dhe familjarëve të mi.
/JavaNews/a.r
