Me të në fushë Lazio pothuajse nuk humb asnjëherë dhe kjo është një nga arsyet që po shtyn drejtuesit e klubit bardhekaltër të besojnë te Etrit Berisha edhe në të ardhmen.
Për portierin shqiptar interesohen disa klube madje së fundmi po shfaq interes edhe Verona por edhe pse nuk është një titullar fiks te Lazio, 26-vjecari nga Prishtina nuk ka ndërmend të largohet nga klubi kryeqytetas.
Drejtuesit e Lazios kanë besim te aftësitë e tij dhe gardiani i kombëtares kuqezi do të bëjë gjithçka për të qenë ai portieri titullar i skuadrës së drejtuar nga Stefano Pioli. Në këtë sezon Etrit Berisha numëron 13 paraqitje në të gjitha kompeticionet, shkruan SuperSport.
Përveç Veronës, edhe Club Brugge e ka kërkuar shqiptarin, këtë e ka zbuluar vetë menaxheri i Berishës. Klubi belg kishte bërë ofertë zyrtare, por Etriti e ka refuzuar menjëherë atë pasi dëshiron të tregojë vlerat e tij te Lazio dhe as që mendon largimin në Janar.
