Berisha, Ramës: Mos i provoko demokratët se ta tregojmë sërish vrimën e miut
Ish-kryeministri Berisha ka reaguar për ngjarjen e ditës së hënë në darkë ku protestuesit për ndërtimin e bunkerit shkuan në selinë e Partisë Demokratike, ndërsa policia ka kërkuar ti ndalojë për tubim të paligjshëm. Por ky veprim është cilësuar nga Berisha si i urdhëruar nga Rama dhe që qeveria po përdor dhunë ndaj opozitës. Duke kërcënuar Ramën, Berisha shkruan se “Rama të mos i kërcënojë demokratë sepse se siç te kane treguar njehere vrimen e miut ata jane gati te ta tregojne perseri”. Në fund, Berisha ka bërë sërish thirrje që demokratët të ngrihen për të rrëzuar qeverinë “Rama”.
“Ne nje akt provokacioni te ulet te tipit stalinist, Edvin Kristaq Rama rrethoi dje me fallangat e tij te krimit, me bandite me uniforme dhe pa uniforme seline qendrore te Partise Demokratike. Me kete akt te mirefillte terrori publik ndaj Partise Demokratike, anetarve e simpatizantve drejtuese te saj, kreu i mafies shteterore dhe krimit te organizuar, kercenoi e perdori force banditeske shteterore ndaj opozites shqiptare dhe partise saj kryesore. Eshte ky rasti ti themi sot kryemafiozit Rama se demokratet, as ti as eterit e tu biologjik e politik dhe as vrasesit e tu me dhe pa uniforme nuk mundet kurre ti trembin, ti themi se mos i provoko dhe zemero demokratet se siç te kane treguar njehere vrimen e miut ata jane gati te ta tregojne perseri, sa here qe ti te mendosh se mund ti kercenosh. Ju bej thirrje qytetareve te ngrihemi sa me pare ne nje revolucion demokratik per te shporrur pushtetin e bandave dhe te krimit qe po shkaterron vendin!”, shkruan Berisha në Facebook.
