Ish- kryeministri, Sali Berisha nga çadra e opozitës ka kërkuar që të vijojë protesta që, sipas tij, “bëhet për votën e lirë”. Ish- kreu i PD-së sërish ka vënë në qendër të sulmeve të tij kryeministrin Rama, duke shmangur për herë të parë sulmet ndaj komunitetit ndërkombëtar që është rreshtuar një bllok kundër kërkesave të PD-së. Sipas Berishës, Rama më parë vetvritet sesa të dorëzojë karrigen e kryeministrit.
“Për karrigen e tij krimin e ka nder dhe lavdi. Shqipëria e votës së lirë është motoja e Shqipërisë europiane. Nuk do bëjmë kompromis me drogën. Beteja është e ashpër. Rama më parë vret veten sesa ikën. Ne do ta bëjmë të dëgjojë zërin tonë. Ti vi mëndja e të pranojë votën e lirë”, ka deklaruar Berisha.
Sipas tij, tashmë janë dy botë: ata të cilët me sakrifica janë në shesh për vete dhe të ardhmen e tyre, kurse përballë pallatet e krimit.
“Rama është i braktisur nga shqiptarët. Ka dalë me moton Shqipëria e karriges sime. Shqipëria që duam është Shqipëria që do për karrigen e tij. Çdo mëngjes lëshon gënjeshtra kudo që shkon. Mashtron shqiptarët me vende pune. Nuk ka rëndësi sa vende pune ka krijuar, por mashtrimet që Rama bën. Premtoi autostrada dhe korridore, por s’ka përfunduar dot 1 km rrugë. Ne duam Shqipërinë e votës së lirë. Është kushti i të gjitha kushteve vota e lirë për stabilitetin, për prosperitetin dhe të ardhmen e Shqipërisë. Ta vazhdojmë këtë rrugë. Askush më shumë se ne nuk e do stabilitetin, por pa votë të lirë s’ka stabilitet. Ai kujton se do na rrëmbejë votën e lirinë. Do ta paguash shtrenjtë dhe atëhere do jetë tepër vonë. Beteja jonë ështyë betejë e shenjtë. Edi rama shporru”, ka përfunduar Berisha. javanews.al/ma.me
