Ish-kryeministri Berisha ka akuzuar Ramën se ka marrë 500 mijë Euro për mandatin e deputetit më të ri Eduart Ndocaj.
Ndërsa ka ‘thumbuar’ edhe Valentina Leskajn për tenderin e hekurudhës duke e cilësuar si ‘zonja lokomotivë’.
“Zonja drejtuese e seancës po thërritet zonja lokomotivë në rrjetet sociale. Detyrohem t’u kujtoj shqiptarëve se Rama që kur ka marrë gabimisht detyrën ka udhëtuar 62 herë jashtë vendit dhe 25 të tjera janë të paregjistruara.
Rama ka kaluar pa u regjistruar sipas sistemit Tims, ju edhe mund të thoni ‘rroftë e qoftë turisti ynë’, por këto janë paratë e shqiptarëve.
Sipas të dhënave, Rama ka kontraktuar 8 ‘Jaguar’ për veten dhe Metën.
Eduart Ndocajt i uroj punë të mbarë, por Komisioni i Mandateve të bëjë transparencën e 500 mijë Euro që i dha PS, të hetohet ku kanë shkuar, pasi kanë shkuar për blerjen e mandatit.
Një sipërmarrës i dha Ramës 500 mijë Euro, nuk e di ia dha PS, apo për kryeministër.
Koço Kokëdhima është biznesmeni më i lumtur në Shqipëri dhe në Europë, por edhe motra Nushi.
Rama iku, pasi e lëshojnë nervat, klanet Koleka dhe Nushi janë pushteti.
Kontrolli falas 120 mln Euro për 10 vjet, ku shkojnë do t’i shohim.
50 mln Euro i mungojnë buxhetit të shtetit nga kontrabanda e cigareve.
Të gjitha investimet që ka bërë ky shtet tani duhet ta shesin. Vëllezërit më të lumtur siamezë janë Papuli dhe Carapuli”deklaroi Berisha.
