Ish-kryeministri Sali Berisha ka sulmuar sërish kryeministrin Rama lidhur me atë që e cilëson ‘kanabizimi i Shqipërisë’.
Ai i riktheht edhe njëherë trafikut të avionëve përmes avionëve të vegjël, duke u ndalur te rasti i Ishmit.
Berisha deklaroi nga foltorja e Kuvendit se Rama përgatiti shkarkimin e Tahirit, por ky i fundit i çoi Ramës 3 milionë euro sipas Berishës.
“A nuk ishte opozita që denoncoi këtu se në Ishëm ra avioni, dhe jo vetëm në Ishëm. Çfarë ndodhi? Edi Rama i zënë ngusht përgatiti shkarkimin e Tahirit, si shpëtoi? I dërgoi 3 mln euro në zyrë Noriegës suaj. Po, po. Dhe Saimir Tahiri nuk u shkarkua. Me qindra herë denoncuam këtu kanabisin”, tha Berisha.
Sa i takon procedimit të Tahirit, Berisha tha se fillimisht Rama e lëshoi ish-ministrin, por më pas e mbrojti pasi Tahiri e kërcënoi se do t’i nxirrte aferat ku ishte i përfshirë.
“Franco Roberti dorëzoi dosjen, Çfarë ndodhi? Kanabistët e hodhën poshtë. Rama i cili në momentin kur mori dosjen nga italianët e lëshoi në humnerë Tahirin. Por Tahiri i nxori Xibrakën, i nxori eurot që i kishte dhënë për Ishmin, i nxori dhe afera të tjera”, tha më tej Berisha.
