Ish-kryeministri Sali Berisha iu rikthye lëvizjes studentore të dhjetorit dhe grevës së urisë, duke thënë se Edi Rama dështoi të bëhej dhjetorist.
“Rama dështoi të bëhej dhjetorist. Kur ne na kërciste arma kokës, Edi Ramës nuk i lëvizte një qime floku. Rama tha: në çdo shtyllë duhet të varim një komunist. Pasi foli, i thashë: Po atë babën tënd ku do e çosh? E më tha: atë do var të parin. Po unë i thash ‘epo ne jemi Partia Demoktratike dhe nuk varim njeri’. Më pas i doli piktorja, dhe i tha para se të vish këtu, dëno krimet e babait tënd. Ndaj t’ju them të vërtetën, i thashë lërë. Ndaj i thanë Ramës, që nëse do të japësh mend këtu, dënoi krimet e babait tënd e më pas jep mend. U nis, la takimin dhe s’u qas më. Tani i ka hyrë mendja të bëhet dhjetorist. Qante, se po të lexosh intervistën e tij të fundit tha se ne bëjmë akte barbare”, tha Berisha.
Teksa iu kundërpërgjigj deputetit Taulant Balla, Berisha tha se deputeti i majtë do të përballet me gjykatën për shpifjet që ka bërë në drejtim të vajzës së tij, Argita Malltezi.
“Je dënuar disa herë nga gjykata dhe do dënohesh përsëri. Ai që thua ti ime bijë s’e ka takuar më. Ti je i pafytyrë dhe je dënuar pesë herë nga gjykata si shpifës dhe do përballesh shumë shpejt në gjykatë me këtë që bërë. Edi Rama nuk mbrohet me shpifje. Ai merr si dëshmitar njerëz që rrinë tek qershia”, tha Berisha.
